Transmenu powered by JoomlArt.com - Mambo Joomla Professional Templates Club

Þann 19. nóvember 2011 eignuðust Hjalti Þór Bergsson og Elena Marusyak son.  Prinsinn, sem hefur ekki enn fengið nafn, fæddist á Fjórðungssjúkrahúsinu í Neskaupsstað.  Fyrir eiga þau Hjalti og Elena soninn Aron Berg, en hann var einmitt fyrsti Seyðfirðingurinn sem fæddist á árinu 2010.  Vilhjálmur Jónsson bæjarstjóri heimsótti fjölskylduna í dag og færði þeim lítinn glaðning frá kaupstaðnum.  Fjölskyldunni er óskað hjartanlega til hamingju með fallega soninn.  Myndir af nýfæddum Seyðfirðingum má sjá í albúmi.

Hollvinasamtök Sjúkrahússina á Seyðisfirði (HSSS) voru stofnuð 24. janúar 2008 og eru því kornung eða fjögurra ára.  Á stuttri starfsævi hafa þau  verið dugleg við að standa þétt  við bakið á ágætu starfsfólki og skjólstæðingum Sjúkrahúss HSA á Seyðisfirði. Lions klúbburinn á Seyðisfirði, þar sem allir félagar eru meðlimir og vildarvinir í HSSS, hafa haft það sem verkefni til fjölda ára að styðja vel við starfsemi Sjúkrahússins og fært þeim margar góðar gjafir gegnum árin. Hér er því  um ómetanlegan stuðning vildarvina að ræða.  Nú þegar sótt er að heilbrigðisþjónustunni á landsbyggðinni og fjárveitingar ríkisins skornar grimmilega niður ár eftir ár er það skylda okkar að standa vörð um og verja heilbrigðisþjónustuna í heimabyggð. 

Með fylgjandi mynd er tekin af Ómari Bogasyni. Frá vinstri Þórhallur Harðarsson - Jón H. Guðmundsson - Ómar Bogason - Rúnar Reynisson - Þorvaldur Jóhannsson - Árni Elísson - Sigrún Ólafsdóttir - Lukka Gissurardóttir - Þóra Invaldsdóttir. 

Nú er aðeins rúm vika þar til hin sívinsæla gáfnakeppni Seyðfirðinga - Viskubrunnur- hefst! Heyrst hefur að liðin stundi nú stífar æfingar í bústöðum og heitum pottum um allan fjörð enda mikið í húfi og afar spennandi að sjá hverjir hafa vitsmunalega yfirburði í bænum okkar. Þeir sem ætla hins vegar að sleppa æfingaferlinu og mæta beint til leiks ættu þó strax að huga að mönnun liðsins svo allir verði klárir í slaginn, miðvikudaginn 8. febrúar. Enn eru nokkrir sauma(kjafta)-, súpu- og matarklúbbar sem eiga eftir að skrá sig til leiks, en ekki örvænta, það er enn tími! Við tökum við skráningum fram á föstudag í síma: 472-1172 eða á netföngin: Þetta netfang er varið fyrir ruslrafpósti, þú þarft að hafa Javascript virkt til að skoða það eða Þetta netfang er varið fyrir ruslrafpósti, þú þarft að hafa Javascript virkt til að skoða það Í næsta Skjá munum við svo birta niðurröðun liða á keppniskvöldunum. 

Hlökkum til að sjá ykkur 8.-9. bekkur.

Fiskistofa auglýsir eftir umsóknum um byggðakvóta til fiskiskipa fyrir eftirtalin byggðarlög skv. ákvæðum reglugerðar nr. 1182/2011 um úthlutun byggðakvóta til fiskiskipa á fiskveiðiárinu 2011/2012. Grundarfjarðarbær  (Grundarfjörður). Borgarfjarðarhreppur (Borgarfjörður eystri). Seyðisfjörður. Breiðdalshreppur (Breiðdalsvík). Djúpavogshreppur (Djúpivogur). Umsóknum skal skilað til Fiskistofu á eyðublaði sem er að finna hér.  Umsóknarfrestur er til og með 10. febrúar 2012.

Fiskistofa 26. janúar 2012.

Seyðisfjarðarkaupstaður auglýsir eftir leikskólastjóra við leikskólann Sólvelli. Um tímabundna ráðningu er að ræða til 1. ágúst 2012. Ráðið verður í starfið 1. febrúar 2012. Sjá nánar um starfið hér til hægri undir 'laus störf'. Umsóknarfrestur er til og með 31. janúar 2012.