|
Fræðslumálaráð Seyðisfjarðar
Boðað til fundar þriðjudaginn 16. febrúar 2010 – haldinn á bæjarskrifstofunni kl. 16:15. Mættir voru: Elfa Rúnarsdóttir, Jón Halldór Guðmundsson, Stefán Smári Magnússon, Birna Guðmundsdóttir, Margrét Urður Snorradóttir og Eva Björk Jónudóttir sem ritaði fundargerð.
Vegna liðar 1 voru mættir: Þorsteinn Arason skólastjóri, Jóhanna Gísladóttir aðstoðarskólastjóri, Eydís Bára Jóhannsdóttir fh. kennara og Berglind Sigurðardóttir fh. foreldra.
Vegna liðar 2 voru mættir: Þorsteinn Arason skólastjóri, Anna Guðbjörg Sigmarsdóttir fh. starfsmanna og Svava Lárusdóttir fh. foreldra.
Dagskrá:
1) Seyðisfjarðarskóli, framkvæmdir sumar 2010 og ýmislegt úr skólastarfinu.
2) Leikskólinn Sólvellir, sumarlokun 2010 og ýmislegt úr skólastarfinu.
3) Önnur mál
1. Seyðisfjarðarskóli – framkvæmdir sumar 2010 og ýmislegt úr skólastarfinu.
* Formleg ósk frá skólastjórnendum til fræðslumálaráðs um að fá grafið í kringum kjallarann í Gamla skóla í sumar, drena í kringum allt húsið og þétta grunninn og skipta um öll gólfefni í kjallara.
* Þurrablót í lok janúar sem heppnaðist vel, þó fámennara en oft áður sökum fækkunar nemenda. Þarf e.t.v. að endurskoða þurrablót m.t.t. þessarar fækkunar í nemendahópi næsta ár. Leikhópurinn Krísa kemur í beinu framhaldi af þurrablóti. Þjóðleikur verður aftur á dagskrá næsta ár, spurning hvort Krísa muni taka þátt að ári. Mikið um að vera á þessum tíma í félagslífi eldri bekkja skólans.
* Jóhann Breiðfjörð var með námskeið í síðustu viku fyrir alla nemendur í 1.-6. bekk skólans. Námskeiðið gekk út á kubba og nýsköpun.
* Tekið var þátt í Sam-Aust (Söngkeppni Austurlands) í síðustu viku. Fimm stelpur tóku þátt saman og stóðu sig vel.
* Öskudagur – dagskrá í íþróttahúsi á morgun frá klukkan 10-12. Nemendur fá frí klukkan 13.
* Vetrarfrí um næstu helgi (fös+mán) og starfsdagur kennara (þri). Kennarar hafa unnið af sér starfsdag og eru því allir, nemendur og kennarar, í 5 daga fríi um næstu helgi. Kennarar unnu af sér daginn með því að vinna m.a. með Olweusaráætlun og voru einnig á fyrirlestri um lestrarkennslu.
* Olweusarvinnan í skólanum gengur ágætlega. Beðið er eftir niðurstöðum úr könnun sem lögð var fyrir nemendur, þær niðurstöður verða kynntar fyrir foreldrum þegar þær berast. Fræðslumálaráði kynnt eineltisáætlun skólans.
* Unnið í því að fá Kára Gunnlaugsson til að kenna nemendum að búa til stuttmyndir. Það verkefni verður unnið í samvinnu við félagsmiðstöðina.
2. Leikskólinn Sólvellir – sumarlokun 2010 og ýmislegt úr skólastarfinu.
* Erindi borið upp um nýja sumarfríslokun. Lokað verði í fjórar vikur í sumar (13.7-10.8). Fimmta vikan verður geymd og notuð í haust-og vetrarfrí á sama tíma og skólinn fer í frí. Þessi tillaga var einnig kynnt Fræðslumálaráði fyrir jól og kemur fram í fundargerð frá 7. desember. Fræðslumálaráð er hlynnt þessari breytingu.
* Lilja Finnbogadóttir hefur sagt upp störfum. Sandra Rut Skúladóttir var ráðin inn tímabundið í 100% starf, út apríl.
* Dagur leikskólans var haldinn hátíðlegur föstudaginn 5. febrúar sl. m.þ.a. að bjóða foreldrum í morgunmat og síðar sama dag var haldið þorrablót með börnunum.
* Öskudagsball verður haldið fyrir hádegi á morgun, öskudag, hjá börnunum.
* Áætlað er að senda út spurningalista á næstunni til foreldra um leið og ný sumarfríslokun verður kynnt.
* Starfsdagar eru framundan. Starfsmenn munu nýta þessa starfsdaga til að fara á skyndihjálparnámskeið.
3. Önnur mál
Farið yfir erindisbréf nefnda. Fræðslumálaráð er sátt við breytingar þessara erindisbréfa, en leggur til orðalagsbreytingar á nokkrum liðum.
Fundi slitið klukkan 18.54
Elfa Rúnarsdóttir (sign)
Birna Guðmundsdóttir (sign)
Stefán Smári Magnússon (sign)
Jón Halldór Guðmundsson (sign)
Margét Urður Snorradóttir (sign)
Eva Björk Jónudóttir (sign)
|
Stjórnsýsla 
