Skíðasvæði

Skíðasvæðið í Stafdal Stafdalur, yfirlitsmynd

Seyðisfjarðarkaupstaður og Fljótsdalshérað hafa samstarf um rekstur skíðasvæðis í Stafdal, sem liggur á milli Efri-stafs og Neðri-stafs í Fjarðarheiði. Aðeins er 10 mín. akstur frá Seyðisfirði og 15 mín. akstur frá Egilsstöðum.

Á skíðasvæðinu í Stafdal eru tvær diskalyftur og skíðabrekkur við allra hæfi, jafnt fyrir lengra komna sem styttra. Barnalyfta er einnig á svæðinu. Skíðabrekkur við neðri diskalyftu eru flóðlýstar. Hægt er að kaupa léttar veitingar um helgar í skíðaskálanum.

Möguleikarnir eru endalausir í Stafdal og er svæðið eitt besta skíða- og brettasvæði á landinu. Troðnar eru brautir fyrir gönguskíði þegar færi gefst. Í Stafdal eru vélsleðamenn velkomnir og liggja leiðir þaðan til allra átta. Menn eru þó beðnir um að halda sig frá öllum troðnum brautum og öðrum þeim brekkum sem skíðað er í.


Vefsíða Skíðafélagsins 

Opnunartími 

  • Þriðjudaga til föstudaga frá klukkan 17-19
  • Helgar og hátíðisdagar frá klukkan 11-16


Ath. barnalyftan er aðeins opin um helgar og á frídögum.

Opnunartími veltur á veðri hverju sinni. Kynnið ykkur aðstæður inn á heimasíðunni eða í síma: 878-1160.

 

Símsvari í Stafdal 878-1160

Sími í Stafdal 472-1160