Datt í lukkupottinn

Frábær gjöf frá Seyðfirðingafélaginu

Seyðisfjarðarskóli datt í lukkupottinn þegar stjórn Seyðfirðingafélagsins í Reykjavík ákvað að gefa tvær Kitchenaid hrærivélar til skólans, þær koma svo sannarlega að góðum notum. Eina slíka átti skólinn fyrir, en hefur ekki haft efni á nema ódýrum hrærivélum á hinar tvær starfsstöðvarnar í skólaeldhúsinu og þær þarf að endurnýja oft. Nú hefur verið bætt úr því og Kitchenaid vélarnar ættu að geta enst í heilan mannsaldur ef vel verður farið með þær.

Vélarnar tvær bárust skólanum nú í vikunni og hér fylgja myndir af krökkunum í 9. og 10. bekk þar sem þau vígja vélarnar um leið og þau gera „æbleskivedej“.

Við kunnum stjórn Seyðfirðingafélagsins bestu þakkir og óskum þeim og félaginu alls velfarnaðar. Takk og aftur takk.

 Stjórendur Seyðisfjarðarskóla.