Sólarkaffi Lions

Ágóðinn fer í kaup á rafdrifnu fjórhjóli

Á næstu dögum fögnum við komu sólar, eftir að hafa verið í skugga fagurra fjalla í nærfellt 4 mánuði.  Við gleðjumst yfir því að senn mun birta og hlýna í bænum okkar. Lionsklúbbur Seyðisfjarðar vill minnast tímamótanna með því að selja ykkur sérframleitt úrvals kaffi, sem getur ekki heitið annað en Sólarkaffi.

Kaffið verður selt í Herðubreið sunnudaginn 16. febrúar frá kl 13:00 og fram eftir degi. Þar verður jafnframt boðið upp á að smakka uppáhellt kaffi. Er það von okkar að bæjarbúar taki vel á móti kaffinu og eru tveir pakkar saman seldir á 2.000 kr. Einnig bjóðum við upp á kaffibaunir í 1 kg pökkum á 4.000 kr. Ágóði af kaffisölunni í Herðubreið rennur til kaupa á rafdrifnu fjórhjóli fyrir Arnar Klemensson.

Ómótstæðilegt kaffi þar sem Afríka og Suður Ameríka mætast. Kaffiblandan er bragðmikil og góð og hefur kaffið langt og mikið eftirbragð. Kaffið hentar bæði til þess að drekka eitt og sér eða með bakkelsi og eftiréttum.

 

Kæru bæjarbúar!

Munið að tryggja ykkur Sólarkaffi Lions í Herðubreið á sunnudaginn. Athugið einnig að svona sérstaklega gott kaffi er afar skemmtileg tækifærisgjöf.

Lionsklúbbur Seyðisfjarðar.