Fréttir

Bæjarstjórn Seyðisfjarðar samþykkti þann 4. september 2019 að auglýsa tillögu að deiliskipulagi fyrir íbúðarbyggð við Múlaveg 51–55, Múlaveg 52–60 og Hlíðarveg 2–12, skv. 1. mgr. 41. gr. skipulagslaga. Tillagan er til sýnis á heimasíðu Seyðisfjarðarkaupstaðar og á skrifstofu skipulags- og byggingafulltrúa við Ránargötu 2 frá 20. september.

Íslenska fyrir útlendinga - Icelandic courses - Język islandzki dla obcokrajowców

Gaman er að geta sagt frá því að í morgun var mælt út fyrir ærslabelgnum, sem ansi margir eru farnir að bíða óþreyjufullir eftir. Á mánudaginn verður grafið fyrir honum og unnið áfram í að koma honum niður. Foreldrar eru beðnir að taka vel í það, ef hóað verður í þá til að aðstoða við að klára endanlega. Það er því loksins óhætt að segja að það verði hægt að hoppa þegar líður á næstu viku.

Zuhaitz Akizu Gardoki hefur verið ráðinn sem forstöðumaður Tækniminjasafnsins. Hann kemur til starfa mánudaginn 16. september næstkomandi og tekur síðan að fullu við 1. október. Núverandi forstöðumaður safnsins, Pétur Kristjánsson, lýkur störfum 30. september.

Opnað hefur verið fyrir umsóknir til Seyðisfjarðarkaupstaðar um framlög og styrkveitingar á árinu 2020. Samkvæmt samþykkt hjá Seyðisfjarðarkaupstað þurfa aðilar, s.s. félög og félagasamtök sem vilja sækja um styrki eða framlög við gerð fjárhagsáætlunar fyrir næsta ár að skila skriflegri umsókn til bæjarskrifstofu þar að lútandi.

Endurskoðað hættumat fyrir Seyðisfjörð og hættumat fyrir Vestdalseyri voru kynnt á íbúafundi sem haldinn var fimmtudaginn 29. ágúst s.l.. Hættumatskort og skýrslur sem lýsa forsendum matsins munu liggja frammi á skrifstofu Seyðisfjarðarkaupstaðar. Íbúar eru hvattir til þess að kynna sér þessar skýrslur.

BRAS er menningarhátíð þar sem börnum og ungu fólki á Austurlandi er gefið tækifæri til að skapa og upplifa listir í víðu samhengi. Hátíðin var haldin í fyrsta skiptið 2018 og hefur verið ákveðið að endurtaka leikinn í haust, en septembermánuður er tileinkaður menningu barna og ungmenna á Austurlandi.

Arnar Klemensson er í ágústviðtali Heilsueflandi samfélags. Arnar þekkja eflaust flestir, en hann er fæddur og uppalinn Seyðfirðingur. Verkefnastjóri fékk að forvitnast um hvernig var að alast upp á Seyðisfirði og hvernig er að vera fluttur aftur heim. Og það sem líklega færri vita, að Arnar tók þátt í Ólympíuleikum fatlaðra í Seoul, í Suður Kóreu, árið 1988.

Fundurinn verður haldinn fimmtudaginn 29. ágúst kl. 16:00 í bíósal Herðubreiðar. Mikilvægt er að heyra sjónarmið bæjarbúa.

Haustroði verður haldinn með pompi og prakt laugardaginn 5.október með tilheyrandi markaðsstemmningu, sultugerðarkeppni og vonandi ljómandi góðu haustveðri.