2. fundur í hafnarmálaráði 18.02.20

Þriðjudaginn 18. febrúar 2020 kemur hafnarmálaráð Seyðisfjarðarkaupstaðar saman til fundar á skrifstofu kaupstaðarins, Hafnargötu 44.  Hefst  fundurinn kl. 16:15

 

Fundinn sátu:

Þórunn Hrund Óladóttir formaður L-lista,

Guðjón Már Jónsson L-lista,

Oddný Björk Daníelsdóttir D- lista,

Aðalheiður Borgþórsdóttir hafnarstjóri.

Unnar B. Sveinlaugsson áheyrnarfulltrúi B-lista mætti ekki.

 

Fundargerð ritaði Aðalheiður Borgþórsdóttir, hafnarstjóri. 

Fundargerð var færð í tölvu.

 

Dagskrá:

1. Reglur Seyðisfjarðarhafnar um rafræna vöktun öryggismyndavéla

Hafnarstjórn samþykkir reglur Seyðisfjarðarhafnar um rafræna vöktun öryggismyndavéla.

 

2. Cruise Iceland 16.01.2020 fundargerð

Lögð fram til kynningar.

 

3. North Atlantic Agency - 30.01.2020 - Clean up Iceland 

Hafnarstjórn samþykkir að taka þátt í verkefninu og felur hafnarstjóra og yfirhafnarverði að svara erindinu, afla leyfis landeigenda ef þörf krefur og að vera NNA innan handar með framkvæmd verkefnisins eins og kostur er.

 

4. Cruise Europe Conference Edinburgh 16.-19. mars 2020 

Lagt fram til kynningar.

 

5. Samband Íslanskra sveitarfélaga - 24.01.2020 419. fundargerð Hafnarsambandsins og fundargerð 20. fundar Siglingaráðs frá 7. nóvember 2019. 

Lagðar fram til kynningar.

 

6. Efla, Brynjar Bragason - 07.02.2020 - Landtenging Norrænu

Hafnarstjóra falið að vinna drög að samstarfssamningi um landtengingu í samráði við Smyril-Line og leggja fyrir næsta fund.

 

7. Sameinað sveitarfélag - Hafnarstjórn

Meirihluti hafnarstjórnar Seyðisfjarðarhafnar leggur fram eftirfarandi bókun: 

Á fundi undirbúningsstjórnar sameinaðs sveitarfélags 10. febrúar sl. var tillögu um sérstaka hafnarstjórn hafnað en vísað til umræðu og afgreiðslu að afloknum sveitastjórnarkosningum í nýrri sveitarstjórn.

Meirihluti Hafnarmálaráðs Seyðisfjarðarkaupstaðar bendir á mikilvægi þess að vera með sérstaka hafnarstjórn til hliðar við þær föstu nefndir sem ráðgert er í stjórnskipulagi hins nýja sveitarfélags og óskar eftir því að þessari bókun og fylgiskjölum verði komið á framfæri við nýja sveitarstjórn að afloknum kosningum 18. apríl nk.

Guðjón Már Jónsson og Þórunn Hrund Óladóttir L-lista.

 

8. Júlía Martin - 04.02.2020 - tilboð í hönnun við Ferjuhús

Hafnarstjóra er falið að ganga frá samkomulagi við Júlíu Martin á grundvelli tilboðsins sem lá fyrir fundinum.

 

9. Cruise Iceland - 20.01.2020 - Seatrade Cruise Med september 2020

Hafnarmálaráð leggur til að Seyðisfjarðarhöfn taki þátt og hafnarstjóra falið að staðfesta við Cruise Iceland að  fulltrúi  verði sendur á sýninguna fyrir hönd hafnarinnar.

  

Fundi slitið kl. 18.00.