2415. bæjarráð 24.06.20
2515. fundur bæjarráðs Seyðisfjarðarkaupstaðar.
Miðivkudaginn 24.06.2020 kom bæjarráð Seyðisfjarðar saman til fundar á skrifstofu kaupstaðarins, Hafnargötu 44. Fundurinn hófst kl. 16:00.
Fundinn sátu:
Rúnar Gunnarsson formaður, L –lista.
Hildur Þórisdóttir, L -lista.
Oddný Björk Daníelsdóttir í stað Elvars Snæs Kristjánssonar, D – lista.
Aðalheiður Borgþórsdóttir, bæjarstjóri.
Vilhjálmur Jónsson áheyrnarfulltrúi, B - lista.
Fundargerð ritaði Aðalheiður Borgþórsdóttir.
Fundargerð var færð í tölvu.
Gerðir fundarins:
1. Monika Frycová - Stýrishús Brú – Monika Frycová og eigendur stýrishúss; Sigurbergur og Þorgeir Sigurðssynir, Íris Sturlaugsdóttir eigandi Borgarhóls og Rannveig Þórhallsdóttir mæta á fundinn kl. 16:00 og fara yfir verkefnið Stýrishús Brú.
Gestir viku af fundi kl 16:35
Bæjarráð þakkar fyrir kynninguna. Erindinu er vísað til Umhverfisnefndar til umfjöllunar og afgreiðslu. Umhverfisnefnd er falið að bjóða Moniku og samstarfsfólki á sinn fund vegna erindisins.
2. Erindi:
2.1. Jónas Jónsson - 18.06.2020 - Múlavegur 26.
Bæjarráð þakkar erindið. Í ljósi þess að kaupstaðurinn er að fækka eignum er gott boð afþakkað.
2.2. Vegagerðin – 12.06.2020 – Bréf til landeigenda Fjarðar landeignanr. L155012. Fjarðarheiðargöng, mat á umhverfisáhrifum. Drög að tillögu að matsáætlun og fyrirhugaðar rannsóknir.
Lagt fram til kynningar, bæjarstjóra falið að afla frekari upplýsinga.
2.3. Samband íslenskra sveitarfélaga – 18.06.2020 – kynning á kerfisáætlun Landsnets og framkvæmdaáætlun.
Lagt fram til kynningar.
2.4. Samband íslenskra sveitarfélaga -18.06.2020 – Uppfært - Minnkandi starfshlutfall – Atvinnuleysi.
Lagt fram til kynningar.
2.5. Mennta- og menningarmálaráðuneytið – 19.06.2020 – skýrsla um náms- og starfsráðgjöf í grunnskólum á Íslandi.
Lagt fram til kynningar.
2.6. Daníel Björnsson – 18.06.2020- ósk um lóðabreytingu .
Bæjarráð samþykkir breytinguna fyrir sitt leyti og felur skipulags- og byggingarfulltrúa að ganga formlega frá lóðabreytingunni.
2.7. Skipulagsstofnun – Efnistaka í Efri Staf í Seyðisfirði. Beiðni um umsögn – afgreiðslu frestað á síðasta fundi bæjarráðs.
Erindinu vísað til umsagnar hjá Umhverfisnefnd.
2.8. Skrifstofa sveitarfélaga og byggðamála -22.06.2020- svar við bréfi.
Lagt fram til kynningar.
3. Inni fasteignasala – mat á Hamrabakka 8 og 12.
Málið áfram í vinnslu.
4. Tollurinn – staða mála.
Ljóst er að hér er á ferðinni grafalvarlegt mál. Bæjarráð Seyðisfjarðarkaupstaðar skorar á stjórnvöld að gera rannsókn á ferli þessa máls er snýr að fækkun aðstoðarmanna tollembættisins á Seyðisfirði og varðar tollskoðun við móttöku farþega- og bílaferjunnar Norrænu. Það er ekki einungis höggið skarð í opinbera starfsmannaflóru kaupstaðarins heldur er um rangfærslur að ræða í þeim upplýsingum sem okkur hafa verið sendar varðandi málið sem fást ekki staðist.
Á síðasta ári voru störf hjá sýslumannsembættinu á Austurlandi staðsettu á Seyðisfirði skorin niður án þess að staðið hefði verið við loforð um annað sem gefin voru í breytingaferlinu. Á sama tíma tala stjórnvöld um fjölgun opinberra starfa á vegum ríkisins á landsbyggðinni.
5. Umhverfisvænar hreinlætisvörur stofnana kaupstaðarins – staða mála
Lagt fram til kynningar.
6. Júlíana Björk Garðarsdóttir og Sesselja Hlín Jónasardóttir – 22.06.2020 – fyrirspurn vegna byggingar á húsi Sesselju.
Lagt fram til kynningar, málið er nú þegar til afgreiðslu hjá skipulags- og byggingarfulltrúa.
7. Ísland ljóstengt – aukaúthlutun á árinu 2020.
Málið áfram í vinnslu.
8. Hanna Christel – 22.06.2020 – hættuleg róla.
Bæjarráð þakkar erindið, lagt fram til kynningar.
Fundi slitið kl. 18:23.
Fundargerð er á 3 bls.
