2453. bæjarráð 04.01.19

2453. fundur bæjarráðs Seyðisfjarðar

Föstudaginn 04. janúar 2019 kom bæjarráð Seyðisfjarðar saman til fundar á skrifstofu kaupstaðarins að Hafnargötu 44. Fundurinn hefst kl. 16:00. 

 

Fundinn sátu:

Rúnar Gunnarsson L- lista í stað Elfu Hlínar Pétursdóttur formanns L-lista

Hildur Þórisdóttir L- lista

Elvar Snær Kristjánsson D - lista

Aðalheiður Borgþórsdóttir, bæjarstjóri.

 

Fundargerð ritaði bæjarstjóri

Fundargerð var færð í tölvu.

 

Í upphafi fundar leitaði formaður afbrigða, Elvar óskar eftir að „knattspyrnuvöllur við Garðarsveg“ verði tekin fyrir undir lið nr. 6.

 

Dagskrá:

1. Starfsmannamál  - Starf skipulags- og byggingarfulltrúa Seyðisfjarðarkaupstaðar.

Umsækjendur teknir til viðtals.

 

Ágúst Torfi Magnússon formaður umhverfisnefndar mætti á fundinn undir þessum lið kl. 16:00 og vék af fundi að viðtölum loknum kl. 18:10.

 

Málið áfram í vinnslu

 

2. Fundagerðir:

2.1. Fundur velferðarnefndar nr. 45 frá 18.12.2018

Fundargerðin samþykkt.

 

3. Erindi:

3.1. Umhverfisstofnun 14.12.2018. Ósk um að sveitarfélagið Seyðisfjarðarkaupstaður tilnefni fulltrúa í vatnasvæðanefnd í samræmi við lög nr. 36/2011 og reglugerð nr. 935/2011 um stjórn vatnamála.

 

Ágúst Torfi Magnússon formaður umhverfisnefndar er tilnefndur sem fulltrúi sveitarfélagsins.

 

4. Samstarf sveitarfélaga:

4.1. Fundargerð 5. fundar starfshóps um sameiningu sveitarfélaganna. 04.12.2018

Lögð fram til kynningar.

4.2. Fundargerð 4. fundar framkvæmdaráðs SSA 11. 12.2018

Lagt fram til kynningar.

 

5. Fjarðarheiðargöng

Í ljósi umræðna um veggjöld til að flýta fyrir nýframkvæmdum lýsir bæjarráð Seyðisfjarðar yfir vilja sínum til þess að taka þátt í slíku verkefni hvað varðar Fjarðarheiðargöng. Bæjarráð ítrekar ósk sína um fund með umhverfis- og samgöngunefnd Alþingis.

Bæjarráð Seyðisfjarðar hvetur íbúa á Austurlandi til þess að styðja áform um veggjöld til þess að flýta fyrir framkvæmdum í fjórðungnum. Það má t.d. gera með því að senda inn umsögn um málið á nefndarsvið Alþingis á netfangið nefndarsvid@althingi.is.

 

6. Knattspyrnuvöllur við Garðarsveg

Elvar Snær Kristjánsson leggur fram eftirfarandi tillögu:

"Bæjarráð samþykkir að fela bæjarstjóra að óska eftir tilboðum í nýjan fótboltavöll við Garðarsveg í samræmi við tilboðsgögn Eflu."

 

Tillagan felld með tveimur atkvæðum Hildar og Rúnars.

 

Formaður bæjarráðs leggur til að klárað verði að ráða í starf byggingarfulltrúa áður en verkefninu verði hrundið í framkvæmd.

 

 

Fundi slitið kl. 19:15.