Ferða- og menningarnefnd 09.01.20

Fundur ferða- og menningarnefndar 9. janúar 2020

Boðað var til fundar ferða- og menningarnefndar fimmtudaginn 9. janúar 2020 klukkan 16:00 í fundarsal bæjarskrifstofu.

 

Mætt:

Tinna Guðmundsdóttir

Oddný Björk Daníelsdóttir

Arnbjörg Sveinsdóttir

Ólafur Pétursson, í fjarveru Bóasar Eðvaldssonar

Jónína Brá Árnadóttir, sem starfar með nefndinni

 

Boðuð forföll:

Bóas Eðvaldsson frá ferðaþjónustu

Hjalti Þór Bergsson áheyrnafulltrúi

 

Fundur hófst kl: 16:05

 

Dagskrá:

1. Miðstöð menningarfræða


„Ferða- og menningarnefnd leggur til að bæjarstjórn heimili atvinnu-, menningar- og íþróttafulltrúa Seyðisfjarðarkaupstaðar að kalla til aðila MMFræ samkvæmt ábyrgðaraðildarsamningi við Austurbrú og mögulega aðra hagsmunaaðila til að fara yfir drög frá 9. mars 2015: Miðstöð menningarfræða – hlutverk, starfsemi, skipulag með það að leiðarljósi að efla starfsemi MMFræ og skerpa á verkefnum.“


Greinagerð:
Ferða- og menningarnefnd telur að nú sé tækifæri til þess að endurmeta hlutverk MMFræ, fyrirkomulag verkefna og umsýslu, m.a. að skoða þann möguleika á að taka verkefnið heim í hérað. Nefndin telur að MMFræ geti gegnt lykilhlutverki í seyðfirsku menningarlífi og veitt mikilvæga aðstoð við hlutaðeigandi aðila. Nauðsynlegt er að huga að mikilvægi þess í sameinuðu sveitarfélagi.
Athuga þarf hvort að því fjármagni sem fylgir verkefninu frá hinu opinbera sé betur varið með þessu fyrirkomulagi.

Mikilvægt er að farið verið í þessa vinnu strax og að ábyrgðaraðili verði skipaður til að fylgja þessu eftir.

 

2. Upplýsingamiðstöð


„Ferða- og menningarnefnd óskar eftir því við bæjarráð að fulltrúi Seyðisfjarðarkaupstaðar í stjórn Austurbrúar upplýsi um fyrirætlanir Austrubrúar um notkun fjármagns sem hefur þar til nú runnið til reksturs Upplýsingamiðstöðvarinnar á Seyðisfirði.“

3. Fjárhagsáætlun og rammi 2020

„Ferða- og menningarnefnd óskar eftir nánari útskýringum frá bæjarráði á því afhverju deild 0585 - Lunga hátíð er bókuð í gegnum bókhald kaupstaðarins.

Nefndin lýsir yfir vonbrigðum með að ekki skuli vera hækkun á styrkjum til menningarstarfs.“

   

Fundi slitið kl. 17:52.