Transmenu powered by JoomlArt.com - Mambo Joomla Professional Templates Club

Seyðisfjarðarkaupstaður auglýsir eftir leikskólastjóra við leikskólann Sólvelli. Um tímabundna ráðningu er að ræða til 1. ágúst 2012. Ráðið verður í starfið 1. febrúar 2012. Sjá nánar um starfið hér til hægri undir 'laus störf'. Umsóknarfrestur er til og með 31. janúar 2012.

Verður haldið í Félagsheimilinu Herðubreið fimmtudaginn 26. janúar klukkan 19:00. Þorramatur og fjölbreytt skemmtiatriði. Meðal efnis: Valin atriði frá „stóra blótinu“, skólagrín og söngatriði. Verð aðeins 1500 krónur fyrir fullorðna og 1000 krónur fyrir nemendur Seyðisfjarðarskóla.  Allir velkomnir!

Þurrablótsnefnd.

Næst komandi laugardag, 28. janúar, verða KK og Leo Gillespie með tónleika í Herðubreið, Seyðisfirði.  Tónleikarnir hefjast klukkan 21.

Erlendir ferðamenn dvöldu að jafnaði 10,2 nætur á Íslandi sumarið 2011 og ferðuðust langflestir (79,6%) á eigin vegum. Tveir af hverjum þremur höfðu bókað ferðina innan fjögurra mánuða fyrir brottför og við ákvarðanatökuna höfðu langflestir (75,4%) aflað sér upplýsinga um Ísland á netinu. Bílaleigubíll var sá samgöngumáti sem flestir (46,0%) nýttu til ferða sinna um landið en vegakerfið er einn af þeim þáttum sem margir ferðamenn töldu að mætti bæta. Ferðin stóðst væntingar flestra og töldu langflestir (79,1%) líklegt að þeir myndu ferðast til Íslands aftur í framtíðinni og það að sumri til. Þetta er meðal niðurstaðna úr könnun sem Ferðamálastofa fékk MMR til að framkvæma meðal erlendra ferðamanna sumarið 2011. Smellið á lesa meira til að sjá alla fréttina.

Frétt fengin af vef Ferðamálastofu . 

Nú styttist í að spurningakeppni Seyðisfjarðarskóla, Viskubrunnur, hefjist. Eins og undanfarin ár eru það 8. - 9. bekkur ásamt foreldrum og kennurum, sem hafa umsjón með keppninni. Fyrsta keppniskvöldið verður þriðjudaginn 8. febrúar og mun keppnin fara fram á þriðjudags- og miðvikudagskvöldum. Við skorum á öll fyrirtæki, saumaklúbba, matarklúbba, kjaftaklúbba og aðra klúbba eða félög að taka sig saman og skrá lið til keppninnar. Þátttökugjald er 8.000 kr á lið og allur ágóði í rennur ferðasjóð nemenda. Einnig viljum við biðja þá sem skrá lið um að reyna eftir fremsta megni að manna lið sín sjálfir. Ef þið hafið áhuga á að skrá lið til þátttöku vinsamlega sendið okkur tölvupóst á Þetta netfang er varið fyrir ruslrafpósti, þú þarft að hafa Javascript virkt til að skoða það eða Þetta netfang er varið fyrir ruslrafpósti, þú þarft að hafa Javascript virkt til að skoða það  eða hringið í okkur í síma: 472-1172.