|
Miðvikudagur, 10 Mars 2010 |
|
Fimmtudaginn 11. mars er Þorlákur Helgason, verkefnisstjóri Olweusaráætlunarinnar á Íslandi, væntanlegur til okkar. Hann ætlar að fara yfir niðurstöður eineltiskönnunarinnar sem lögð var fyrir nemendur skólans í haust. Fundurinn hefst klukkan 17:15 í matsal Herðubreiðar og er sameiginlegur fyrir alla foreldra. Að honum loknum er sérstakur bekkjarfundur þar sem foreldrar hitta umsjónakennara barnsins síns. Mikilvægt er að heimili og skóli taki höndum saman og vinni gegn einelti og því nauðsynlegt að hvert heimili eigi fulltrúa á fundinum.
Með von um að sjá ykkur sem flest, starfsfólk Seyðisfjarðarskóla.
|
|
|
Miðvikudagur, 10 Mars 2010 |
|
Skaftfell og Tækniminjasafnið eru að vinna að sýningunni Geiri - Líf og list Ásgeirs Emilssonar, sem mun opna í Skaftfelli 15. maí næstkomandi. Af því tilefni erum við að leita að ljósmyndum af Geira, húsinu hans eða einhverju honum tengdu til að nota á sýningunni. Þeir sem eiga myndir sem þeir vilja lána á sýninguna eru vinsamlegast beðnir um að koma þeim í Skaftfell eða á Tækniminjasafnið í umslagi merktu með nafni og símanúmeri eiganda. Við munum skanna myndirnar inn og skila frumritinu að því loknu. Ef myndirnar eru til á rafrænu formi má senda þær með tölvupósti á
Þetta netfang er varið fyrir ruslrafpósti, þú þarft að hafa Javascript virkt til að skoða það
Skaftfell & Tækniminjasafnið.
|
|
|
Miðvikudagur, 10 Mars 2010 |
|
Miðvikudaginn 10. mars klukkan 19:30 verður keppt til úrslita í Viskubrunni. Í hléi verður lýst kjöri íþróttamanns Hugins 2009. Kaffi og góðar veitingar til sölu. Leikir kvöldsins: Gagn og gaman – Síldarvinnslan, Seyðisfjarðarkaupstaður – Austfar. Keppt um 3.–4. sæti. Keppt um 1.–2. sæti. Úrslit úr 2. umferð: Gullver 14 – Framtíðin 13. Úrslit úr 3. umferð: Síldarvinnslan 15 – Litla gula hænan 13, Stálstjörnur 12 – Austfar 16, Gullver 10 – Seyðisfjarðarkaupstaður 13 og Gagn og gaman 20 – Tækniminjasafn Austurlands 6.
|
|
|
Miðvikudagur, 10 Mars 2010 |
|
Gullver landaði 71.970 kg í síðustu viku. Til vinnslu hjá Brimbergi fóru 38.946 kg. Harðfiskverkunin Sporður fékk 953 kg og með Norrænu voru flutt út 32.071 kg. Þeysir landaði 344 kg.
Heimild fengin úr Frétta-Skjánum, 9. tbl. 28. árg. 10. mars 2010.
|
|
|
Þriðjudagur, 09 Mars 2010 |
|
Kvennalið Hugins keppir við Þrótt Neskaupstað í 2. deildinni í íþróttahúsinu í kvöld. Leikurinn hefst klukkan 19. Seyðfirðingar, sem og aðrir, eru velkomnir að mæta og hvetja okkar konur áfram! Á eftir leiknum verður sameiginlega æfing hjá körlum og konum. Áfram Huginn!!
|
|
|
Þriðjudagur, 09 Mars 2010 |
|
Myndir frá skíðamótinu sem haldið var í Stafdal síðast liðna helgi eru nú komnar í albúm. Myndirnar eru því miður mjög litlar því þær eru teknar á farsíma.
|
|
|
|
